وقال «عمرو أديب»، في تعليق خلال برنامج «الحكاية» المعروض عبر قناة «إم بي سي مصر»، مساء يوم الجمعة، إن «النور بيتقطع دلوقتي ساعتين، أنا عايز حد يقولنا ايه الحكاية وايه الموضوع؟ هل انقطاع الكهربا مستمر؟ يعني هو ملوش علاقة بارتفاع درجة الحرارة أو قولولنا الحقيقة، هل لسه الموضوع متحلش وقدامكم شهر كمان؟!.
وأوضح: «الحكومة قالت قدامكم لغاية 15 سبتمبر بالكتير، دلوقتي إحنا ملاحظين حاجة في التلات أربع أيام اللي فاتوا، النور مبيتقطعش في المواعيد اللي قالوا عليها، والأهم أنه بقى بيقطع ساعتين مش ساعة».
وأضاف: «الأزمة الاقتصادية لها آثار جانبية، إحنا معندناش حاجة فنية، لكن مفيش مازوت، زي ما يكون عندك عربية رولز رويس بس معندكش بنزين، إحنا داخلين على مدارس قولولنا إيه الموضوع».
رد وزارة الكهرباء على زيادة انقطاع التيار إلى ساعتين
وأوضح عمرو أديب إلى أنه تواصل مع مسؤولي وزارة الكهرباء لسؤالهم عن سبب استمرار انقطاع الكهرباء، فكان ردهم: «مجلس الوزراء بس هو اللي هيتكلم»، متوقعا أن أزمة انقطاع الكهرباء لن تنتهي خلال الأيام المقبلة.
وطالب مجلس الوزراء بكشف تفاصيل الوضع للمواطن، متابعًا: «مش عايزين طبطبة، عايزين الحقيقة، الشعب ده جدعان أوي، قولولنا إيه المشكلة؟!».